Habal-habal driver nahu'g sa bung-aw, patay

Patay ang usa ka habal-habal driver human mahagbong sa 30 metros nga gilawmong bung-aw ang iyang gimanehong motorsiklo diha sa likuong bahin sa dalan diha Barangay Lower Becerrel lungsod sa Boljoon niadtong milabayng Sabado.

Walay panimuot nga midangat sa Dalaguete District Hospital ang biktimang si Willy Gorida, 40 minyo molupyo sa Sitio Pondojan Barangay Upper Becerrel sa naasoyng lungsod apan gideklarar kining dead on arrival.

Samtang naangol usab ug nakaangkon og mga bun-og sa kalawasan ang backrider niining si Gerry Anorico, 25, molupyo sa naasoy'ng lugar gumikan sa paglayat niini sa motorsiklo dihang nabantayan niining mahagbong na sila sa bung-aw.

Sigun pa sa kapolisan nawad-an og kontrol ang biktima sa gimanehong Honda TMX 155 cc dihang miabot sa likuong dalan ug didto nalahos sa bung-aw.