Ang maong mga kahoy nga mahogany namatikdan ug gikarga sa trak nga gipugngan sa kapolisan human usab sa gihimong pagdiskarga niini diha sa may Basak-San Nicolas.
Gisita sa mga sakop sa kapolisan sa Mobile Group ang nagmaneho sa trak ug human nila makadawat og report nga gikan sa mga lumolupyo labot sa pagdiskarga sa mga kahoy.
Nadiskubrehan ang kakuwang sa mga dokumento sa nahisgotang mga kahoy dihang giutingkay sa mga polis ug nasuta nga aduna kini mga sipyat.
Lakip usab sa nakapatahap sa kapolisan mao ang managlahi nga pirma sa usa lang ka ngalan nga diha sa mga dokumento.
Sa nasayran nga ang maong mga kahoy nga naggikan sa lungsod sa Sibonga ug gipanag-iya kini sa usa ka Zosima Matugas ug gikatakda unta kining i-deliver sa Kimberson Trading nga nahimutang sa Lahug sa dakbayan sa Sugbo.