3 patay sa engkwentro

Ormoc City - Tulo ka mga sakop sa rebeldeng New People's Army kon NPA ang namatay sa nahitabong engkwentro tali sa armadong mga tawo sa managkalahi nga lugar ning dakbayan sa miaging adlaw.

Ang mga nangamatay giila nga sila si Ramonito Gonzales, hingkod ang panuigon og mulopyo sa barangayMahayay og Eduardo Alisaga, Jr,31, minyo og mulopyo sa Barangay Boroc ning dakbayan.

Usa sa mga namatay pabilin nga wala pa milhi hangtod sa paghikay niining balita.

Nahitabo ang unang insidente didto sa Barangay Boroc sa miaging Lunes sa buntag.

Matod pa nga samtang si Alisaga diha sulod sa ilang balay kalit lang armadong mga tawo ang misaka og gipugos siya sa pagpagawas.

Ang asawa sa biktima miingon nga bisan pa man sa pagpakiluoy sa iyang bana gipusil kini sa armadong mga tawo nga wala niya mailhi.

Si Alisaga giingong nagpaluyo sa kalihukan sa mga rebeldeng NPA.

Samtang usa ka panag engkwentro ang nahitabo tali sa mga rebeldeng NPA ingon man sa kasundalohan didto sa barangay Mahayahay sa maong gihapon nga adlaw.

Usa namatay human sa nahitabo nga engkwentro giila nga si Gonzales samtang padayon pa usab nga giila ang iyang kauban.

Nakuha sa duha ang tag-as nga kalibre sa armas.

Matod pa nga samtang nagpahigayon sa ilang pagpatrolya ang kasundalohan nga sakop sa 19th Infantry Battalion nga gipangulohan ni First Lieutenant Alberto Dabajo kalit lang sila nga gipangpusil.

Human sa pagbayloay sa mga bala nakit-an ang duha ka patay.

Wala hinoon naangol sa habig sa militar.