P90 mil nahanaw sa balay

Mokabat sa P90, 000 nga kantidad sa mga alahas ang nahanaw sa usa ka panimalay human kini lungkaba sa wa hiilhing mga kawatan.

Ang gilungkab mao ang lawak nga gipuy-an nila ni Verhelmarie Cabuyaon, 26 anyos, dalaga, sa Flores Compound, dalan Plaridel sa siyudad sa Sugbo.

Si Elmar Cabuyaon, hingkod ang panuigon, nga nagpuyo sa nahisgotang dapit ug igsoon sa biktima maoy unang nakadiskubre sa maong insidente.

Sa imbestigasyon nga gihimo sa mga sakop sa theft and robbery section nahibaw-an nga ang mga kawatan nakasulod pinaagi sa pagguba sa padlock sa pultahan.

Si PO2 Rhoelito Patalinghug nga gawas nga gisakiyo sa maong mga kawatan ang mga alahas, ang CD player sa biktima ug uban pa lakip usab sa gisakiyo.

Ang mga sakop sa theft and robbery section sa nahisgotang kuwerpo naglaum pa gihapon nga ania ra dinhi sa Sugbo ug ilang madakpan pagbalik ang maong kawatan.