Problema sa malnutrition

Negros Oriental - Naningkamot karon ang mga opisyal ning probinsya nga mapatuman ang programa aron masulbad ang problema nga naghatag og hulga sa panglawas ilabi na gayud sa kabataan.

Kini nga lakang gihimo sa mga opisyal human ang survey nga gipagawas sa National Nutrition Council nagpakita nga nakasinati sa maong problema ang probinsya niini karon.

Gitumbok usab ang tulo ka mga dakbayan ning probinsya nga nakasinati karon sa maong problema.

Nalakip niini ang dakbayan sa Canlaon, Bais ingon man sa Bayawan.

Human makita ang maong problema gipadayag sa mga opisyal nga gikinahanglan gayud nga adunay hiniusang lakang nga himoon kabahin niini.

Si Gobernador George Arnaiz sa probinsya nga mao karon ang tsirman sa Regional Development Council-7 miingon nga angayan gayud nga adunay hiniusang aksyon kabahin niini.