Dagkong negosyante miduaw

Leyte - Gihangop sa mga opisyal ning probinsya ang daghan nga mga negosyante nga miduaw ning probinsya aron mutan-aw sa dakong potensyal niini alang sa patigayon.

Si Kongresista Remedios "Matin" Petilla sa unang distrito sa probinsya mihangop sa kadasig sa mga negosyante nga gikan sa nagkalain-laing lugar ilabi na gayud sa Luzon.

Nakita ni Kongresista Petilla nga daghan ang gusto mutan-aw sa sitwasyon karon sa dakbayan sa Tacloban ingon man sa uban usab nga lugar sa probinsya.

Si Kongresista Petilla ingon man ang anak niini nga si Gobernador Carlos Jericho Petilla mipahibawo nga nagtinabangay sila aron gayud makadani og mga negosyante nga mubutang og bag-ong patigayon sa probinsya.

Gipasalig nila ngadto sa mga negosyante nga naa sa probinsya ang ilang gikinahanglan nga mga serbisyo.