RDC mipaluyo ni GMA

TAGBILARAN CITY - Gipakita sa mga opisyal sa nagkalain-laing nasodnong ahensya sa kagamhanan ingon man opisyal lokal lakip na sa pribadong sektor nga sila padayon gihapon nga adunay kompyansa ni Presidente Gloria Macapagal Arroyo.

Nauyonan kini sa mga sakop sa RDC atul sa ilang gihimong tigum kagahapong adlawa nga gihimo ning dakbayan.

Si Gobernador George Arnaiz sa probinsya sa Negros Oriental maoy nangulo sa tigum nga gihimo kagahapong adlawa.

Nakita nila nga niining sitwasyon sa pagka karon gikinahanglan gayud kaayo nga ipakita nila ngadto ni Presidente Arroyo nga sila aduna pa gihapon dakong kompyansa sa iyang pagdumala sa nasod.

Gipasabot sa mga membro sa RDC nga gikinahanglan gayud kaayo nga mapakita nila ngadto sa presidente nga gipaluyohan nila ang tinguha niini nga ekonomikanhon nga kalambuan.

Si Gobernador Erico Aumentado sa probinsya sa Bohol kinsa mao usab karon ang presidente sa Liga sa mga Gobernador sa tibuok nasod mihangop sa gihimong aksyon sa RDC.