Ang maong mga magtiayon pulos taga Talisay kinsa nagtipon nga di kasal gikan sa 7 ngadto sa 15 anyos na.
Si Elpidio "Jojo" dela Victoria, kinsa maoy presidente sa Pastoral Parish Council sa Tabunok wala makaantos dihang nasuta niya ang kahimtang sa maong mga magtiayon.
Mihimo siya og lakang aron kini makasal pinaagi sa pagpangapkap og mga rekurso aron may makatabang kanila.
Matud pa ni dela Victoria nga ang una niyang nalooyan mao ang mga anak sa maong mga magtiayon.
Kini tungod kay ma-problema kini sa ilang mga papeles ugma damlag, sama sa birth certificate ug uban pang mahimong kuwestyon sa pagkatawo sa mga batang anak ug mansibadong mga ginikanan.
Hinuon matud pa ni dela Victoria nga gumikan sa mga 10 ka tawong malumo og kasingkasing nga mipasalig nga motabang pagpas-an sa mga galastohan, milampos gyud ang iyang panlimbasog nga katabangan ang maong mga magtiayon nga makapakasal.
Gitugotan silang makabaton og tagsa ka ninong nga maoy ikasawo nila sa salosalo nga ipahigayon didto sa Tabunok sports complex.