Proyekto sa irigasyon gisusi

Bohol - Padayon karon nga gihimoan og pakisusi sa mga miyembro sa Regional Project Monitoring Committee sa Regional Development Council ang proyekto nga irrigation ning probinsya.

Nahibaw-an nga ang mga miyembro sa maong komitiba mihimo sa ilang pagduaw sa nagkalain-laing mga lungsod ning probinsya og mihimog pakisusi kabahin sa pagpatuman sa proyekto.

Ang National Irrigation Administration kon NIA maoy gitahasan sa kagamhanan sa pagpatuman sa maong proyekto.

Ang irrigation projects sa probinsya gigahinan og salapi gikan sa kagamhanan sa nasud sa Japan.

Si Gobernador Georgia Arnaiz, tsirman sa RDC miduso sa maong report ngadto sa konseho alang sa hingpit nga pagtuki niini karong umaabot nga Biyernes Hulyo 1.

Ang RDC gikatakda nga magpahigayon sa ilang tigum sa dakbayan sa Tagbilaran.

Gipaabot usab nga mutambong sa tigum ang mga opisyal sa NIA.