Ayuda alang mag-uuma

Negros Oriental - Gipasalig sa kadagkuan sa Department of Agriculture nga hatagan nila og ayuda ang mga mag-uuma nga nagbase ning probinsya aron mulambo usab ang ilang produkto sa umahan.

Si Regional Director Eduardo Lecciones sa DA-7 miingon nga sa pagka karon adunay nagkalain-laing mga programa ang ilang buhatan nga gitumong alang sa mga mag-uuma.

Giangkon hinuon ni Lecciones nga dili magmalampuson kining maong programa kon dili magmatinud-anon ang mga mag-uuma sa ilang gimbuhaton.

Usa sa nakita ni Lecciones mao nga gikinahanglan gayud nga magmatinud-anon sila pagbayad sa ilang gihulaman nga kwarta gikan sa bangko nga gipanag-iya sa kagamhanan.

Nagkanayon si Lecciones nga kon ang mga mag-uuma dili usab mutabang siya nagtuo nga dili gayud magmalampuson ang programa nga ilang gipatuman.