Tabang gikan sa OWWA

Tagbilaran City - Mga kabanay sa mga Overseas Filipino Workers nga nagpuyo ning probinsya og ingon man sa nagkalain-laing mga probinsya sa tibuok Central Visayas ang makapaabot og tabang gikan sa Overseas Workers Welfare Administration kon OWWA.

Si Secretary Patricia Sto. Tomas sa Department of Labor and Employment kon DOLE miingon nga adunay programa ang OWWA nga gipatuman karon sa nagkalain-laing mga rehiyonal nga buhatan niini.

Matud pa ni Sto. Tomas nga ubos sa programa nga gipatuman karon sa OWWA mahimong ang mga kabanay sa mga OFW nga nagpuyo dinhi sa Sugbo og ingon man sa nagkalain-laing probinsya makapahimulos niini.

Nagkanayon si Sto. Tomas nga dali na unya nga mahibaw-an sa mga pamilya niini ang ilang kahimtang samtang sila nanarbaho sa laing nasud.

Midugang si Sto. Tomas nga sa maong paagi dali usab mahibaw-an kon adunay mga OFW nga gidaugdaog sa ilang mga agalon.