Hapon napalgang patay

Patay'ng lawas sa Japanese national napalgang naglutaw diha sa baybayon sa Pacific Cebu Resort sa Barangay Suba Basbas dakbayan sa Lapu-Lapu sa milabay'ng adlaw.

Ang maong Hapon giilang si Yasunoro Suzuki,62, lumad nga taga Tokyo Japan kinsa usa ka turista nga nagbakasyon dinhi sa nasud.

Ulahing nakitang buhi ang biktima diha sa baybayon naghigda sa lantay ug nag-sunbathing pila ka oras una pa kini mapalging patay ni Randy Tero usa sa mga kawani sa maong resort.

Gisuwayan unta sa paghatag og first aid ang biktima ug gidala sa Mactan Doctors Hospital apan gideklarar kining patay na, walay nakitang timailhang "foul play" sa lawas ni Suzuki sumala pa sa kapolisan.

Ang patay'ng lawas niini tua na sa Rolling Hills Funeral Chapels sa Banilad dakbayan sa Mandaue.