Kamatayon ni Sin gigamit sa 'unity call'

Kamatayon ni kanhi Manila-Archbishop Jaime Cardinal Sin gigamit sa Malacañang aron manawagan sa tanang Pilipinhon aron mahiusa alang sa pagsaka sa kabutang sa nasud.

"As the nation mourns the death of Cardinal Sin, we urge all Filipinos to shelve their differences in tribute to this great man, we hope that his legacy will serve well and that his death will also mark the realization of his vision of unity, reconciliation and cooperation for this great country," panawagan pa ni Press Secretary Ignacio Bunye.

Si Sin ,76,namatay adtong milabay'ng Martes alas 6:20 sa buntag diha sa Cardinal Santos Medical Center giingong namatay kini gumikan sa daghang mga gihambing balatian lakip na ang sakit sa kidney ug diabetes.

Ang Malacañang mimando sa tanang ahensya sa gobiyerno sa pag-"half staff" ang tanang bandila hangtud sa paglubong sa patay'ng lawas niini sa gikatakdang adlaw.

Si Sin gihulagway nga "liberator" sa katawhang Pilipino tungod sa natampo niini sa duha ka mga dakong Edsa Revolution nga nakapausab sa kasaysayan sa Pilipinas.

Makadaghan nga higayon si Sin mipakita sa pagsupak sa mga polisiya sa gobiyerno ilabi sa "birth control" ug sa deborsyo sa managtiayon nunot niini ang panahon ni Sin sulod sa 27 ka tuig giisip nga "religious activism era" sa kasaysayan sa modernong panahon sa nasud.