Programa sa Leyte suportado sa DTI

Leyte - Gipaluyohan sa kadagkuan sa Department of Trade and Industry kon DTI ang tinguha sa mga opisyal sa probinsya nga magahin og luna alang sa mga patigayon nga nalambigit sa Information and Communication Technology kon ICT.

Nakita sa mga opisyal sa DTI nga usa kini sa maayong lakang nga gitinguha karon ubos sa administrasyon ni Gobernador Carlos Jericho Petilla.

Si Gobernador Petilla mipahibawo nga gihatagan sa igong pagtagad sa iyang administrasyon ang kalambuan bahin sa ICT.

Giangkon sa gobernador nga gikinahanglan gayud ang probinsya muuban sa gikinahanglan sa pagka karon sa mga dagkong kompaniya ilabi na gayud sa nagbase sa kaulohan.

Midugang si Petilla nga iyang nakita nga haom usab kaayo ang probinsya alang sa mga patigayon nga nalambigit sa ICT.

Naglaom ang gobernador nga adunay mga tag-iya og puhunan nga mubutang niini nga klase sa patigayon sa iyang probinsya.