Makinarya gikawat

Mikabat sa P137 mil ang kantidad sa mga nawala nga makinarya ngadto sa tulo ka mga kawatan niadtong milabay'ng gabii didto sa barangay Biasong dakbayan sa Talisay.

Ang biktima mao si Merly Villamor, 40, nagpuyo sa maong lugar.

Ang suspetsado nailhan sa ngalan nga Panot Rabaya hingkod ang panuigon residente usab sa maong lugar ug laing duha ka kauban niini kinsa wala mailhi.

Nakuha sa mga suspetsado ang 1 unit compressor nga P14 mil, 1 unit nga generator P15 mil, 1 unit redial arm saw P60 mil, 1 unit plainer P20 mil, 1 unit circular saw P25 mil, 1 unit electric motor P8 mil, router bit P15 mil og duha ka brand new cover nga nagkantidad og P200.00.