Kons. Go mi-react sa balita

Si Konsehal Emilio Go sa Talisay mihatag og reaksiyon kabahin sa wala niya pagpasar og resolusyon.

Si Go usa sa lima ka mga konsehal sa Talisay nga walay napasar nga resolusyon sulod sa 43 ka session nga napahigayon sa konseho sa siyudad niining tuiga.

Matud pa ni Go nga dili buot ipasabot nga wala sila mopahigayon sa ilang serbisyo ngadto sa siyudad tungod kay wala silay napasar nga resolusyon.

Matud pa usab sa naulahi nga wala silay gihuptan nga komitiba hinungdan nga wala silay napasar nga resolusyon.

Apan padayon gihapon sila sa paghatag og serbisyo og tabang ngadto sa katawhan.