Umano'y scandal ni Wally Bayola kumakalat!

MANILA, Philippines - Humupa na ang usap-usapan tungkol sa "private video" scandal ni Parokya Ni Edgar leadman Chito Miranda at girlfriend niyang si Neri Naig, pero muling niyanig ang mundo ng showbiz sa isa na namang video na kumakalat ngayon.

Nitong Lunes ay kumakalat sa internet ang video ng isang lalaking nakapatong sa isang babae at mukhang may ginagawang pribado.

Unang lumabas ang video sa Youtube kung saan marami ang nagsasabing ang "Eat Bulaga" host na si Wally Bayola ang lalaki at si EB Babe Yosh ang babae.

Kumalat na rin ang video sa iba pang social networking sites tulad ng Facebook at DailyMotion.

Marami na rin ang gumawa ng fan page tungkol sa kumakalat na video at nakalagay ang katagang "scandal."

Wala pa namang pahayag ang kampo nina Wally at Yosh hinggil sa kumakalat na video.