2 miyembro ng 'Bye-bye' kidnap gang dedo sa Davao police

MANILA, Philippines – Utas sa mga pulis ang dalawang miyembro ng “Bye-bye” kidnap-for-ransom group sa Davao City nitong Huwebes ng umaga.

Sinabi ni Senior Superintendent Ronald dela Rosa, hepe ng Davao City police, na kasama ng mga suspek ang kanilang biktima na si Sally Chua nang makaengkwentro ng mga pulis.

Naabutan ng mga pulis sa labas ng isang banko sa C.M. Recto Avenue ang mga suspek bandang 11:30 ng umaga, dagdag ni dela Rosa.

Nasawi sa shooutout ang dalawang suspek, habang nakatakas pa ang 10 kasamahan nilasakay ng dalawang kotse.

Nailigtas naman ang biktimang si Chua.

Sinabi ni Dela Rosa na may nagbigay sa kanila ng impormasyon na dadalhin ng grupo si Chua para magwithdraw ng P15 milyon.

Nakakasa na rin ang mga follow-up operation laban sa mga nakatakas na suspek.