Mogawas di kapugngan

CEBU, Philippines - Daghan sa mga nagsunod ning atong lindog nanghangyo nga ipasabot kuno ngano nga bisan naminyo na, dali ra gawsan sa pakigseks. Kini sagad mahitabo sa mga lalake, nga romansa pa lang gisapot ang paris kay mibuto na wa pa gani kaarangkada. Naa poy uban,  deretso ang hamag apan wa pa kasugod gigawsan na. Kun kasugod man haskan sab dalia, di kaabot sa gikasabotan nga dag-anan sa kombate. Dako baya ning problema, sagad mao ni hinungdan sa kahuyangon sa pagsinabtanay sa magtiayon. Apan may remedyo kini base sa mga pagtoon.

Duha ang posibilidad nga hinungdan ani…Biological.. kanang sinsitibo kaayo ang male organ nga matandogan o mahikapan lag babaye, kusog kaayo ang signal sa utok nga di kapugngan ang kaabunda sa oxytocin hormone o testosterone o mga tus nga ahat nga mogawas lag iyaha nga maminghoy ang hingtungdan… Psychological.. kanang tungod sa sobrang kahinam, kakulba, kahigwaos o kaha kinawatkawat nga dinalian o wa pay hanaw mahitungod aning buhata, magpataka lang nga di kapugong mogawas gyud. Busa kini ang buhata;

Mas maayo mobisita kag urologist, basig may problema ang prostate mo o nihubag nga maoy hinungdan di makontrol sama sa ihi o tus nga mogawas lang nga morag wala. Maayo sad nga magpraktis  ka og pugong, kun paminaw mo hapit na ang gana, hunonga una ug pahuway kadiyot unya balik na sab aron madugay ang gana sa kalalim sa uwag o orgasm. Sagad sa naghimo ani, halos 95% malampuson. Mahimo sab magkat-on kas disiplina sa panglawas, sa utok ug sa pagtoo inubanan sa pamalandong. Gikonsiderar kini sa india nga epektibo, nga makapalahutay sa pakigseks. Ang hustong pagginhawa makatabang usab. (BANAT NEWS)