VP Sara, walang planong magtago o umalis ng bansa
MANILA, Philippines — Sakaling ipag-utos ang pag-aresto bunsod ng ilang reklamong kinakaharap ay tiniyak kahapon ni Vice President Sara Duterte na wala siyang planong magtago o umalis ng bansa.
“No, I don’t plan to leave the country. I don’t plan to hide mainly because my children are here,” ayon pa kay VP Sara, sa isang pulong balitaan.
Matatandaang si VP Sara ay kasalukuyang iniimbestigahan ng National Bureau of Investigation (NBI) matapos na sabihing may kinausap na siyang tao na papatay kina Pang. Ferdinand Marcos Jr., First Lady Liza Araneta-Marcos at House Speaker Martin Romualdez, sakaling mapatay siya.
Nagdaos kahapon ang NBI ng pagdinig sa kaso ng bise presidente, ngunit hindi ito dumalo dito at nagpadala na lamang sa kanyang abogado ng liham at pinabulaanang pinagbantaan niya ang buhay ng pangulo.
Nahaharap na rin naman si VP Sara sa impeachment complaints sa Kongreso.
- Latest
