MANILA, Philippines — Hindi na si Atty. Michael Poa ang tumatayong tagapagsalita ni Vice President Sara Duterte.
Mismong si Poa ang nagkumpirma na natapos na ang kanyang consultancy contract sa idinaos na inquiry ng House good government at public accountability kahapon.
“I would like to inform the honorable committee that I am no longer connected with the Office of the Vice President (OVP),” anang abogado.
“My consultancy contract was already pre-terminated,” aniya pa.
Matatandaang si Poa ay dati ring nagsilbi bilang undersecretary at tagapagsalita ng Department of Education (DepEd) noong si Duterte pa ang kalihim nito.