MANILA, Philippines — Tatapatan ng Armed Forces of the Philippines (AFP) ang pangha-harass ng China Coast Guard (CCG) sa West Philippine Sea (WPS).
Ayon kay AFP Chief of Staff Gen. Romeo Brawner Jr., ang instruction umano ni Pangulong Ferdinand Marcos Jr. ay pigilan na kumalat o uminit ang tensiyon sa WPS.
“But rest assured that we will be following the orders of our Commander-in-Chief, our President. So for instance, meron po umatake sa atin. Ang gagawin po natin is that we will apply the same level of force that would allow us to defend ourselves”, giit ng Chief of Staff.
“For instance, kung gumamit po siya ng kutsilyo, gagamit rin tayo ng kutsilyo,” paliwanag ng Chief of Staff.
Tiniyak din ni Brawner na hindi na ito lalabis o sosobra pa at susundin nila ang rules of engagement.
“Hindi po ‘yung lalabis, hindi lalabis dun sa, yes, that’s the concept of proportionality. So hindi po umatake siya, hindi po natin siya babarilin. In other words, you have the right to defend yourself but you also have to practice that concept of proportionality of force,” punto niya.
Malinaw anya ang direktiba sa mga sundalo sa mga kailangan ng mga itong gawin sakaling muling maulit ang insidente noong Hunyo 17 na ikinasugat ng pitong Philippine Navy troops kabilang ang isang naputulan ng kanang hinlalaki.