Kai, nag-ala hero sa Gilas!

Ang agang magising ng ibang kababayan natin para abangan ang laban ng Gilas Pilipinas laban sa Latvia at wagi tayo!

At sino ang parang naging hero at focus ng paghanga ng tao? Ang matangkad na batang player na si Kai Sotto!

Mananalo ba ulit sila against Georgia? Sana!

Jed, tatapatan ang All by Myself ni Stell?!

Ngayon na magaganap ang Welcome To My World na birthday concert ni Jed Madela sa Music Museum. Siyempre naman mapupuno niya ‘yun!

Ang tanong ay, kakantahin kaya niya ang All By Myself – at magkakaalaman na kung sino ang maganda ang version nila ni Stell?

Mag-comment kaya ulit si Mommy Raquel Pempengco? More than Stell, kailan kaya magkakaroon ng back-to-back concert si Jed at Erik Santos? With special guest – Darren Espanto? That would be the day!

Bahay ni Kuya, bubuksan na ulit

Muli na namang magbubukas ang Bahay ni Kuya. Sinu-sino na naman ang susunod sa yapak sina Sam Milby, Kim Chiu, Gerald Anderson, Melai Cantiveros, at marami pang ibang nanggaling sa Pinoy Big Brother?

I’m sure magiging patok din ang online version nito kahit highlights na lang ang nasa mainstream TV.

Question: ganu’n pa rin ba kapatok ang PBB? Ito pa rin ba ang best way to get new talents katulad ng dati? Kailangan pa bang bilhin ang ganito kalaking franchise para mag-talent search?

Tingnan natin kung profitable pa rin ang ganitong programa, aber?

Denise, dawit sa hiwalayan nina DJ Mo at Misis?!

Tuluy-tuloy ang break-up saga ni Angelika Schmeing-Cruz, also known as radio DJ ‘Angelicopter’ at DJ Mo Twister.

Sabi, medyo on the rocks na raw ang relasyon nila since January. At ano pala raw ang nagpalala nito? Ang desisyon daw ni Mo Twister na imbitahin si Denise Laurel sa kanilang podcast. Bakit?

Sabi kasi ni Angelika, may past daw between Mo at Denise. O weno naman ngayon? Hindi na nila kinaya ‘yun?

Nakakataquote:

“Nakatrabaho ko na silang dalawa at parehong super mabait na mga tao… So, I cannot contain my excitement.”

“Oo naman [boto ako]. Kung saan sila maligaya, lalo kung sa isa’t isa, talaga naman. Alam mo naman si Mama, kung kailangan, magpagawa ako ng tarpaulin.” – Sharon Cuneta on Kathryn Bernardo and Alden Richards