Sarah gusto na uling mabuntis!
Kung may sariling libro na ang mag-inang Annabelle Rama at Ruffa Gutierrez, hindi rin nagpapahuli ang lady love ni Richard Gutierrez na si Sarah Lahbati na ang librong True Beauty (How To Glam Your Life Inside and Out) ay nakalabas na sa mga bookstore published and released by VRJ Books sa halagang P295 lamang.
Hindi ikinakaila ni Sarah na naging very hands-on siya sa kanyang libro mula sa concept, pictorial at lahat ng nilalaman nito kasama na rito ang love affair nila ni Richard at ang four-year-old son nilang si Zion.
Samantala, inamin ni Zarah na natatakot umano siya para sa anak nila ni Richard na si Zion dahil sa pagiging sobrang friendly nito ay sumasama ito kahit kanino. Wala itong iniilagan at kinatatakutang tao.
Kung si Sarah ang masusunod, gusto na niyang sundan si Zion ng isa pa umanong boy para magkaroon ito ng playmate.
Si Sarah ay nasa pangangalaga ngayon ng Viva Artists Agency.
AiAi hindi nagpagalaw pagkatanggap ng Papal award
Inamin ni AiAi delas Alas na celibate umano siya magmula nang kanyang tanggapin ang Papal award noong isang taon dahil gusto niyang itama ang lahat. Natutuwa naman si AiAi na ito’y nauunawaan ng kanyang magiging mister na si Gerald.
Si AiAi ay ikinasal din sa kanyang second ex-husband na si Jed Salang sa Las Vegas in April 2013 pero ito’y nauwi agad sa divorce. Annulled na rin ang kasal ni AiAi sa una niyang mister, ang singer na si Miguel Vera na naka-base na sa Amerika with his new family. Si Miguel ang ama ng dalawa sa tatlong anak ni AiAi na sina Nicolo at Sophia habang ang panganay na si Sancho ay anak naman ni Ai-Ai sa isang namayapang stage actor na si Maltezo dela Cruz.
Hindi issue kay AiAi at sa kanyang mga anak ang 30 years age gap nila ng kanyang mapapangasawa. May basbas kay AiAi ang kanyang tatlong anak na sina Sancho, Nicolo at Sophia sa kanilang pagpapakasal ni Gerald.
Probinsyano extended hanggang 2018
Tiyak na natutuwa ang mga tagasubaybay ng top-rating action TV series na FPJ’s Ang Probinsyano na pinagbibidahan ni Coco Martin dahil taliwas ng inaasahan ng marami na malapit na itong magpaalam sa ere, mai-extend ang serye hanggang sa susunod na taon.
Ang seryeng FPJ’s Ang Probinsyano ay siya ngayong pinakamatagal na serye ng Dos na umeere.
Samantala, ang series din ang naging daan para maging in-demand na celebrity endorser ngayon ang Viva young star na si Yassi Pressman na matagal ding naghintay na siya’y tuluyang mapansin.
Kung ang kapwa co-Viva artist ni Yassi na si Bela Padilla ay napansin din nang husto dahil sa kanyang stint sa TV series ni Coco Martin.
Ang maganda pa sa serye ni Coco, maraming inactive actors ang nabibigyan ng trabaho dahil si Coco umano ang nagre-request na sila’y mapasama sa kanyang action TV series.
Kaya mas marami pang walang trabahong actor ang mabibigyan ng pagkakataon ng long-running TV series na TV adaptation sa pelikulang ginawa noong 1997 ng action and movie king na si Fernando Poe, Jr. (FPJ) ngayong hanggang sa isang taon pa ito eere.
- Latest
