Kris isang taon nang walang career?!
Hanggang ngayon ay patuloy na umaasa ang followers ng tinaguriang Queen of All Media na si Kris Aquino sa kanyang muling pagbabalik sa telebisyon matapos magpaalam sa ere ang Kris TV sa ABS-CBN halos isang taon na.
It’s been almost a year pero wala pa ring bagong TV show na pinagkakaabalahan si Kris kaya worried na ang kanyang mga tagahanga.
Alam ng marami na hindi problema kay Kris ang pera pero hindi ito sanay na wala siya sa limelight.
Italian teacher magpo-pose na naka-brief
Bukod sa mga bagets na Concio sisters – Julia and Talia at si Baeby Baste ng Eat Bulaga na siyang pinakabagong celebrity kid endorsers ng Bench baby scents, tiyak na aabangan ng Bench followers ang susunod nilang ipapakilalang interntional celebrity endorser, ang sikat na Italian model na si Pietro Boselli.
Although hindi pa inaanunsyo ng Bench ang tungkol kay Pietro, nagtataka ang big boss ng Bench na si G. Ben Chan kung paano nag-leak sa social media ang kanilang pictorial considering na hindi pa sila naglalabas ng official photos at announcement.
Inamin ni G. Ben Chan na nahirapan silang makipag-deal sa agent ni Pietro dahil iba ang nagre-represent sa kanya sa Amerika at maging sa London pero just the same, naayos din ito at nakuha nila ang serbisyo ng kilalang Italian model na isa ring Math teacher sa Italy.
Maja wala pang nahahanap na lalaki
Sa presscon ng pelikulang I’m Drunk, I Love You na idinirek ni JP Habac for Tuko Film Productions, Buchi Boy Entertainment, at Artukulo Uno Productions na pinagbibidahan nina Maja Salvador at Paulo Avelino, tinanong ang dalawa kung posible ba silang magkainlaban lalupa’t pareho silang single.
Hindi ikinakaila ni Paulo na noon pa man ay crush na niya si Maja at magkaibigan silang dalawa. Katunayan, they go out with friends. Pero hindi nila masabi ang posibilidad na maging sila.
Si Paulo ay may isang anak sa Kapuso actress na si LJ Reyes, si Aki. Si LJ ay open sa kanilang relasyon ng isa pang Kapuso actor na si Paolo Contis.
Alonzo enjoy sa panggagaya sa music icons
Super enjoy ang almost 7-year-old child star na si Alonzo Muhlach sa kanyang participation sa Your Face Sounds Familiar – Kids Edition hosted by Billy Crawford at kung saan naman tumatayong judges sina Sharon Cuneta, Gary Valenciano, at Ogie Alcasid.
Dahil sa YFSF, nakukuha ni Alonzo along with the other celebrity kid participants na manggaya ng iba’t ibang sikat na music icons.
Ang YFSF-Kids Edition ay isa sa mga top-rating shows ng ABS-CBN at inaabangan tuwing Sabado at Linggo ng gabi.
Samantala, bukod sa YFSF, excited na si Alonzo sa kanyang nalalapit na ika-7th birthday party on February 19 na ngayon pa lamang ay inihahanda na ng kanyang dad na si Niño Muhlach.
- Latest
