Direk Wenn at DJ ‘nagkabalikan’!

Marami ang natutuwa sa pagbabalikan ng friendship nina Direk Wenn Deramas at ng dati niyang alagang si DJ Durano. All’s well that ends well, ang drama nilang dalawa. Timing naman dahil makakasamang muli si DJ sa isa pang episode ng Moron 5  na nakatakdang gawin ni Direk Wenn.

Samantala, makakatulong ang batian nina DJ at Direk Wenn dahil kaila­ngan ng una ng mas magandang imahe ngayong lalahok siya sa pulitika sa Cebu. Kung sabagay, wala namang seryosong away ang dalawa. Nagkagalit lamang, pero walang narinig na masasakit na salita sa pagitan nila.

Luis sure na ring kakandidato?!

I’m sure hindi tatanggihan ni Batangas Gov. Vilma  Santos ang pagiging bise presidente ng Pilipinas. Ito ang posisyon na iniaalok sa kanya ng mga kampo ng presidentiables sa halalan 2016. Hindi na mahirap pasunurin ang aktres dahil matatapos na niya ang kanyang termino bilang gobernadora. At malaki ang tsansa niyang manalo kung tatakbo siya, hindi lamang dahil sa kanyang popularidad kundi pati na rin sa kanyang mga nagawang magaganda sa kanyang lalawigan. Malaki rin ang maitutulong ng kanyang anak na si Luis Manzano kapag tumakbo siyang bise presidente. Magiging repleksyon ng kanyang good governance ang gagawin din nitong pagpasok sa pulitika.