Pasay vice mayoralty bet itinanggi ang ‘ghost employees’

MANILA, Philippines - Itinanggi ni re-electionist na si Pasay City Vice Mayor Marlon Pesebre ang mga kumakalat na kasinungalingan na pagkakaroon niya umano ng “ghost employees” upang  sirain siya sa mga botante ng lungsod.

“Lahat ng personal data sheet ng mga empleyado ay isinusumite sa Human Resources Department ng city hall. Kaya’t paano pa ako magkakaroon ng ghost employees? Kung talagang may ghost emplo­yees ako, dapat ay nakita na iyan noon pa at naireklamo na ako”. wika ni Pesebre.

Ayon pa sa bise-alkalde, malaking kasinunga­lingan din ang kumakalat na malapit na siyang hulihin at ikulong ng National Bureau of Investigation (NBI),gayung wala siyang kinakaharap na kaso o reklamong anuman.