Barbosa pumirma ng multiyear deal sa Suns
MANILA, Philippines – Pinapirma ng Phoenix si guard Leandro Barbosa, isang 13-year NBA veteran na naglaro ng walong seasons sa Suns, sa isang multiyear contract.
“Leandro has played a significant role on a number of very successful teams over the course of his career,” wika ni General Manager Ryan McDonough. ‘LB’ is very popular with teammates and fans and we are thrilled to have him back as a key part of the Suns. We think he will contribute greatly to what we are building - on and off of the court - here in Phoenix.”
Magbabalik si Barbosa sa Suns kung saan niya inilaro ang kanyang unang pitong professional seasons noong 2003-2010 bukod sa isang season noong 2013-14.
Nagtala siya ng average na 12.4 points mula sa 46.7 percent fieldgoal shooting at 39.6 percent sa three-point arc sa 486 games.
Isa sa naging pinaka-produktibong players sa franchise history, ikatlo siya sa Suns history na may naisalpak na 716 three-pointers sa likod nina Steve Nash at Dan Majerle, pang-lima sa kanyang 39.6 percent mark sa three-point range, ika-12 sa paglalaro sa 486 games at ika-15 na may 6,024 total points suot ang purple at orange uniform.
Itinala ng “The Brazilian Blur” ang kanyang best statistical season sa Suns noong 2006-07 matapos hirangin bilang NBA Sixth Man of the Year at tanggapin ang Dan Majerle Hustle Award sa kanyang ave-rage career-highs na 18.1 points at 4.0 assists.
- Latest
