Angeline walang paki kahit bading ang dyowa!
Malayong maging issue raw para sa singer-turned-actress na si Angeline Quinto, kung ang lalaking kanyang mahal o minahal ay isa palang bakla.
Ang mahalaga raw sa kanya ay ang pagmamahal niya sa kanyang karelasyon. And obviously, vice versa.
Marunong din magmahal ang isang bakla sa isang babae. Lalo’t kung transgender siya.
‘Di nga ba at may kakilala tayo na confirm ang pagiging bading, dahil open book naman ito sa industriya, na happily married?
At hindi lamang basta may kakayahan siyang kumita ng sapat para sa kanyang pamilya dahil mabuti rin siyang asawa at mapagbigay na ama sa kanyang mga anak na pawang mga babae.
Of course, hindi ibubunyag ni Angeline kung naranasan na niya ang umibig sa isang bading. Although sa pelikula niyang That Thing Called Tanga Na, tanga siya na umiibig sa isa niyang kabaro.
Pawang mga gay ang role na gagampanan ng kanyang leading men na sina Eric Quizon, Billy Crawford, Kean Cipriano, Martin Escudero, sa That Thing Called Tanga Na, which opens in theaters nationwide today.
Directed by Joel Lamangan, Regal Entertainment produced it.
Billy wish maka-love team si Ate Vi
Would you believe na dream ni Billy Crawford na makagawa muli ng movie with Lipa City Congresswoman Vilma Santos-Recto?
Gumawa na sila ng movie noon at ang kanilang role ay bilang mag-ina.
Ito ‘yung pelikulang Pahiram Ng Umaga, kung saan nagwagi si Billy ng kanyang first best child actor trophy sa Guillermo Mendoza Memorial Award.
Kung matutupad daw ang pangarap niyang ito, mas prefer ni Billy na gumanap silang mag-lovers ni Ate Vi.
Gaya nang ginampanan na role ni Aga Muhlach sa original version ng Sinungaling Mong Puso.
Magkaibigan sina Ate Vi at Aga sa pelikula, bagama’t supposedly malaki ang agwat ng kanilang edad and married pa ang character na ginampanan ng Star For All Seasons kay Gabby Concepcion.
For his role is Sinungaling… na idinirek ni Maryo J. delos Reyes with Regal Films, nanalo si Aga bilang best supporting actor.
Kasalukuyang ginagawa ang remake ng Sinungaling… na sina Rhian Ramos, Rafael Rosell at Kiko Estrada ang gumaganap sa lead roles.
Kathryn at Daniel may tsugian daw sa pelikula
Tanong lang: Mature na nga ba ang mga role na ginagampanan nina Kathryn Bernardo at Daniel Padilla sa kanilang malapit nang ipalabas na movie together, A Love Untold, na kinunan sa Barcelona, Spain?
May mga intimate scene raw ang dalawa, foremost of which are several kissing scenes. Which were all handled well, kung sabagay, by their director, Olive Lamasan.
Kung sabagay, parehong nasa edad na sila. Kathryn turned 20 recently. At malapit na ring mag-20 si Daniel.
A Love Untold is the duo’s reunion movie after Crazy Beautiful You, which was a big hit.
They were last seen as a team in the top series, Pangako Sa ‘Yo.
Iza ibinenta ang bahay na nabili kay Rufa Mae!
Sa isang condo unit na pala nakatira si Iza Calzado.
Naipagbili na raw ni Iza ang bahay niya sa isang classy subdivision, na binili rin niya kay Rufa Mae Quinto.
Ang alam namin, ginastusan ng malaki ni Iza ang pagpapa-renovate sa nabanggit na bahay.
Pero kailangan nga naman niyang maging praktikal. Napakalaki ng bahay, para tirhan ng isang katulad niyang wala pa namang pamilya.
Although, alam din natin na happily in love si Iza sa kanyang foreigner boyfriend na si Ben Wintle.
Iza is currently busy with a new series, The Second Wife, na co-stars niya sina Bea Alonzo at Ian Veneracion, with Jerry Lopez Sineneng directing.
- Latest
