Kaya hindi kasama sa pelikula, Janice tumiwalag na sa INC
Hindi na pala member ng Iglesia Ni Cristo (INC) si Janice de Belen kaya hindi siya kasama sa star-studded cast ng Felix Manalo ng Viva Films.
Marami ang nagtataka at nagtatanong dahil wala si Janice sa trailer ng filmbio ng unang ministro ng Iglesia Ni Cristo.
Nasagot ang kanilang mga tanong nang malaman nila na hindi na member si Janice ng INC.
Matagal ko nang hindi nasisilip ang cooking show ni Janice sa NET25, ang Spoon, kaya hindi ko alam kung patuloy pa rin ang programa.
Minsan na akong umapir sa Spoon bilang guest ni Janice kaya pamilyar na pamilyar ako sa kanyang TV show sa television network ng Iglesia Ni Cristo.
Sancho carbon copy ang mga kapatid sa ama
Carbon copy ni Sancho Vito delas Alas ang kanyang mga half-brother.
Muling nagkasama-sama ang magkakapatid sa burol ng kanilang ama na pumanaw noong nakaraang Linggo at nakatakda na ilibing ngayong umaga sa Manila Memorial Park sa Dasmariñas, Cavite.
Maganda ang relasyon ni Sancho sa kanyang mga kapatid sa ama, si Rey Maltezo dela Cruz, isang dating theater actor na naging bahagi noon ng buhay ni AiAi delas Alas.
May nagsabi sa akin na plano ni AiAi na makiramay noong Huwebes sa mga naulila ni Rey pero hindi ako sigurado kung natuloy ang pagpunta niya sa burol ng ama ng kanyang panganay na anak.
Kuya Kim apektadong-apektado sa pagpatay kay Pamana, magbibigay na ng pabuya
Nadaragdagan ang mga pabuya sa sinuman na makapagtuturo sa pumatay sa Philippine eagle na si Pamana.
Nanguna sa pagbibigay ng pabuya si Kim Atienza na apektadong-apektado sa walang awa na pagpatay sa agila na pinakawalan niya sa kagubatan ng Davao Oriental noong June 12.
Patuloy ang imbestigasyon ng mga pulis para matukoy nila ang salarin. Malakas ang kutob ko na mahuhuli ang pumatay kay Pamana at malaking tulong ang pabuya para sa makapagtuturo sa kriminal.
Bagong ‘babies’ ni Mother Lily nag-enjoy sa kanyang birthday party
Complete ang attendance ng bagong batch ng Regal Babies sa birthday celebration ni Mother Lily Monteverde noong August 19.
I’m sure, naaliw ang mga aspiring star dahil na-meet nila sa birthday party ni Mother ang mga kilalang personalidad sa pulitika at pelikula na napapanood lamang nila dati sa TV.
Nag-enjoy ang mga bagets sa party ni Mother dahil maaga sila na dumating at late na umalis.
Elizabeth nakalabas na ng ospital
Nagpapasalamat si Jaya dahil lumabas na mula sa Philippine Heart Center ang kanyang nanay na si Elizabeth Ramsey.
Fifteen days na namalagi sa ospital ang veteran singer/comedienne dahil sa diabetes.
Maayos na ang kalagayan ni Mama Elizabeth kaya nagpapasalamat si Jaya sa lahat ng mga tumulong sa kanila.
Kasama sa mga pinasalamatan ni Jaya sina Pilita Corrales, German Moreno, at Willie Revillame na agad na nagpaabot ng tulong sa kanyang ina.
Ang pag-inom lang naman daw ang ginawang kasalanan April Boy nahihirapang tanggapin ang pagkawala ng paningin
Isang tribute para kay April Boy Regino ang pinaplano ni Willie Revillame sa Wowowin.
Nalaman kasi ni Willie ang kalagayan ngayon ni April Boy na nawalan ng paningin dahil sa diabetes.
Nabulag man siya, patuloy si April Boy sa pagsulat ng mga kanta na pumupuri sa Panginoong Diyos.
Marami ang nagdarasal para sa kalusugan ni April Boy na palagi raw umiiyak at nagtatanong.
Nahihirapan si April Boy na tanggapin ang kanyang kalagayan dahil naging mabait daw siya at walang naging kasalanan kundi ang pag-inom ng beer.
Hindi dapat mawalan ng pag-asa si April Boy dahil marami ang nagmamahal sa kanya at nagbibigay ng financial at emotional support.
- Latest
