30 minutong paglalakad okey sa may high blood

WALA raw kuwenta ang work-outs kapag hindi mo naramdaman sa katawan. Ibig sabihin kapag sumakit ang iyong mga kalamnan dahil sa pagwo-workout, nagkaroon ng epekto. Tumatalab kung ano ang ginawa mo. Pero bakit mo pahihirapan ang sarili sa work-outs kung maaari ka namang maglakad o mag-briskwalking na halos pareho rin ang ibinibigay na benepisyo sa katawan. Hindi lang ang dibdibang workouts ang makapagpapababa ng timbang at makapagbibigay nang malusog na panganga­tawan kundi ganundin ang regular na paglalakad.

Ang 30-minutong paglalakad ay katumbas na rin ng mabibigat na work-outs at malaki ang maitutulong para mapanatiling maganda ang pangangatawan at masigla ang isipan. Ang pagkakaroon ng physical activity ay epektibong paraan ma-manage ang stress at depression.

Pinakapopular na uri ng ehersisyo ang paglalakad. Nakatutulong ito sa may high blood pressure at nagaga­wang maitaas ang level ng good cholesterol.

Kung hindi magagawang makapaglakad sa umaga, subukan ang mga sumusunod:

• Sa halip na sumakay sa elevator, maghagdan na lamang.

• Kung mayroon kang alagang aso, ipasyal mo ito sa parke.

• Kung mamamasyal sa mall, maglakad sa perimeter nito.

• Kung gumagamit ka ng sasakyan sa pagpasok sa opisina, i-park mo ito nang medyo malayo para nakapaglalakad ka.