Osmeña: Dino “dako’g ulo”
The government forces said it will still employ surgical air strikes in Marawi City despite the accidental bombing of Army soldiers. AP/Bullit Marquez
CEBU, Philippines - Nakadawat ang buhatan ni Cebu City Mayor Tomas Osmeña sa giingong official memo nga gipadala ni Presidential Assistant for the Visayas Michael Dino kang Presidente Rodrigo Duterte kun nganong ang Bus Rapid Transit (BRT) project dili matud pa maayo sa siyudad sa Sugbo.
Gipakita sa mayor ang official memo ni Dino kinsa nagtinguha nga ipakanselar niini ang maong proyekto.
Si Osmeña miingon nganong dili na lang ibutang matod pa ni Dino sa official memo nga dili siya pabor sa maong proyekto kay iyaha kining proyekto.
Hinuon bisan pa man sa maong hitabo wala mabalaka si Osmeña ug masaligon siya nga dili kini makanselar.
Gihulagway sa mayor si Dino nga matod pa ‘dako’g ulo’ tungod kay giingong nagtuo gyud kini nga iyahang mapakanselar ang BRT project nga dunay pundo P16.9 billion ug giaprubahan sa nagkadaiyang ahensiya sa gobiyerno.
Dugang ni Osmeña angay masayod ang mga Sugbuanon nga kun dili mahinayon ang BRT project wala’y mapaabot tungod kay kun maghisgot og Light Rail Transit (LRT) giingong taas pa kaayo kini og proseso.
“Crab mentality, they don’t have anything to offer, when I tried to do something there are people who just try to tear it down, who laugh at you, daghan kaayo tawo nga ingon ana, but you have to ask yourself, what’s their answer, what’s their solution, just cancel. You know the world is made of two kinds of people, those who try to move ahead and those who just try to destroy, this people just try to destroy, they are even worth saving,” sigon pa ni Osmeña.
Samtang si Kongresista Gerald Anthony Gullas sa unang distrito miingon nga pabor siya nga adunay BRT ug LRT karon dinhi sa Sugbo tungod kay makatabang kini og dako sa suliran sa transportasyon ilabi na sa trapiko.
Sukwahi kini sa baruganan sa iyang apohan nga si Talisay City Mayor Eduardo Gullas nga dili gustong maapil sa rota sa BRT ang ilang siyudad ug mas gusto niya nga Light Rail Transit (LRT).
Ang batan-ong Gullas miklaro nga iyang girespeto ang baruganan sa apohan bisan og gianugonan siya sa BRT.
Matud pa ni Gullas nga bisan unsa nga proyekto para sa kalambuan sa trapiko sa Sugbo iya kining suportahan. (BANAT NEWS)
- Latest
