PB niawhag pagpahatag sa saktong sukli

CEBU, Philippines - Giawhag sa Provincial Board ang mga business establishments nga mohatag sa saktong sukli sa mga kostumer.

Kini isip pagtuman sa Republic Act 10909 o ang “No Shortchanging Act of 2016.” Ang awhag nalatid sa resolusyon nga giduso ni Bokal Earl Tidy Oyas nga gipasar sa PB.

Ang balaud nagmando sa multa nga P500 hangtud P25 mil sa molapas niini.

Ang masakpan sa ikatulong higayon posibleng suspensuhon ang ilang operasyon sulod sa tulo ka buwan ug pagkanselar sa ilang lisensya kung masakpan sa ikaupat nga higayon. Mary Cris Remata   BANAT NEWS)