DILG: Semana Santa seguruhong malinawon
CEBU, Philippines - Nanawagan ang Department of Interior and Local Government sa tanang local chief executives nga iseguro nga malinawon ang pagsaulog sa Semana Santa.
Matud ni DILG officer-in-charge Catalino Cuy nga ang mga lokal nga kagamhanan angay makig-alayon sa mga traffic enforcers, barangay tanods, law enforcers ug public safety officers alang sa seguridad sa mga publikong lugar sama sa simbahan, terminals, plazas ug malls.Nag-awhag sab si Cuy nga magbutang og medical assistance booths aron sa pag-abag sa katawhan nga posibleng makuyapan o malipong tungod sa init nga panahon.
Ang kapolisan mopakatap sa ilang mga sakop alang sa police visibility, checkpoints ug mobile patrols batok sa mga dautang elemento.
Ang Bureau of Fire Protection andam sab og tagana nga moresponde sa sunog.
Gani heightened alert ang kabomberuhan sa Dakbayan sa Sugbo karong adlawa subay sa pagsaulog sa Semana Santa.
Matud ni SFO1 Wendell Villanueva, tigpamaba sa Bureau of Fire Protection-7, nga wala silay gitugutan nga mga sakop nga maka-leave sa ilang trabaho.
Awhag ni Villanueva sa katawhan nga sa ilang pagbiya sa tagsatagsa ka panimaye aron moadto sa simbahan ug sa pagbakasyon, seguruhon nga walay gisaksak sa linya sa kuryente aron sa paglikay sa sunog. - /GMR) (BANAT NEWS)
- Latest
