Ruru may kondisyon sa pagkokonsorte

MANILA, Philippines - After Holy Week ay mga fiesta at Santacruzan ang susunod na festivities lalo na sa buwan ng Mayo. Mga artista rin ang abala rito lalo na ang mga lalaking artista na kinukuhang konsorte. Ngayon pa lang ay marami na ang nagkaka-interes kay Ruru Madrid na gaya ni Alden Richards ay lalong sumisikat dahil sa kaguwapuhan at sa role niya sa Encantadia.

Ipinapaalala ko lang na sa mga pilit na kinukuha siyang maging konsorte ay papayag lamang siya kung plain Santacruzan ito at walang mga santo o religious images na kasali. Miyembro ng Iglesia ni Cristo si Ruru at sa kagustuhang mapagbigyan ang fans niya ay ‘yun lang ang pakiusap at kondisyon ng kanyang kampo. 

LJ at Ara uunahan nina JuliE Anne at Jean

Sa nalalapit na pagtatapos ng Pinulot Ka Lang Sa Lupa, hindi pa rin nagpapaawat sina Angeli (LJ Reyes) at Mariz (Ara Mina) sa mga masasama nilang plano.

Suklam na suklam na ang lahat sa kanila dahil tila meron na namang binabalak itong si Angeli na panibagong plano para pagtakpan ang kasalanan nila. May bawian na naman kaya ng buhay? Maunahan kaya nina Santina (Julie Anne San Jose) at Diony (Jean Garcia) ang dalawang bruha bago sila makagawa ng bagong kasamaan?