Focus

Sa first Friday Mass diri’s newsroom adtong nilabay nga adlaw, gipahimug-atan sa pari nga kinahanglang mo-focus gyud ta sa kun unsay maayo. Suma pa niya, dili gyud maayo ang pagpuyo og “double-life.” Gihimo niyang sanglitanan ang matud pa bana nga adunay “one and only wife” sa panimalay, apan adunay daghang wife sa trabahuan o ba kaha asawa nga gipiyalan sa budget sa pamilya, apan sa higayon nga mangompra ug makakita og sale, maguba ang budget alang sa kinahanglang paliton. Apan kinahanglan gyud nato nga paningkamotan ang pagpuyo nga mo-focus sa kun unsay maayo. Adunay daghang tentasyon niya pa, apan anaa ang Ginoo nga kanunay natong masangpit sa higayon nga kita magkalisud gayud. Pakpak!

Focus. Diha sa atong pagkinabuhi, aduna gayud kitay mga pangandoy usab nga buot natong makab-ot. Apan ang pagkab-ot sa maong pangandoy dili sayon. Mura na’g kanta nga nagkanayon: dili sayon ang pagsunod kang Kristo/ daghang tunok ang dalan nga agian mo/ bug-at ang krus nga pas-anon mo… Apan bisan malisud man ang pagsubay sa maong dalan, kinahanglan gayud nimo kining subayon aron ka mahiabot ug makab-ot ang unsa may buot nimong maabot.

Kapoy ang maningkamot. Apan mas kapoy ang walay paningkamot sanglit walay mahitabo sa imong kinabuhi kun wala kay buhaton. It’s like saying, I love you. Ang relasyon dili masukod sa maong mga pulong lang, kinahanglan aduna gyuy buhaton ang managhigugmaay aron mulambo ang ilang paghigugma sa usa'g-usa. That’s because, love is not a noun. It’s a verb. Verb is an action word. Remember? Pakkk!

So kun feeling nimo gikapoy na ka sa imong kinabuhi--nga mura’g sige na lang ka og trabaho, wadwad didto, wadwad diri apan wala gihapon ka mulambo—stop and focus. Go, ask your self: unsa man gyuy buot nimong mahitabo? Nganong daw gisilutan man nimo ang imong kaugalingon pinaagi sa pagpunay og trabaho nga daw himuon na lamang nimong buntag ang gabii ug gabii ang buntag? You have to Focus and go back to the ‘why.” Why am I doing all these? Why is it hard for me to achieve my goal? It’s the why! Pakpak

Ug karong Semana Santa, maoy tukma nga higayon to answer the many whys we have in our respective lives. Go out there. Meditate. Pray. And be with yourself. Layat. Pahilayo. Pag-ampo. Hunungi una ang kun unsa man ang imong gikabusyhan karon nga maoy hinungdan nga daw walay gipaingnan ang tanan nimong paningkamot. Focus and be with God. Have a meaningful holy week observance, dear okRYANians!