Guardo sangonan og laing trabaho
CEBU, Philippines - Andam mohatag og executive function si Cebu City Mayor Tomas Osmeña kang suspended Councilor Jerry Guardo kinsa dili pa lang dugay nitapon sa Bando Osmeña Pundok Kauswagan (BOPK) gikan sa Team Rama.
Gitataw ni Guardo nga bisan unsa nga trabaho ang itahas kaniya andam siya mohimo niini.
Asoy ni Guardo nga magdepende kang Osmeña kung unsa nga function ang ihatag kaniya.
Si Osmeña sa iyang bahin niingon nga posible nga himoong deputy mayor for sports ug infrastructure ang suspendidong konsehal.
Kung makabalik na si Guardo human sa tulo ka buwan nga suspenso niini hayan hatagan siya sa mayor og executive functions.
Tungod kay duna may kasinatian ang konsehal labot niining pagpangapod-apod og fire extinguishers, kuhaon sa mayor ang iyang serbisyo bisan og suspendido.
Kini aron sa pag-adto sa kabarangayan ug mopahigayon og information dissemination mahitungod niini nga dako og tabang aron malikayan ang sunog.
Si Osmeña niingon nga andam siya moabaga sa transportation allowance ni Guardo aron makahimo sa iyang trabaho. (BANAT NEWS)
- Latest
