Mag-asawa, 1 pa dakip ng PDEA

MANILA, Philippines -  Tatlong katao kabilang ang isang mag-asawa ang  naaresto ng PDEA sa magkahiwalay na drug operation sa Cotabato City at Pampanga.

Sa Cotabato City kinilala ang mag-asawang nadakip sa  buy-bust operation sa Purok Krislam, SK Pendatun Avenue, Poblacion 2, alas 8:01 ng gabi ay sina  Pahima Encongan Patah alias ‘Ngak’ ‘Phems’ at  mister nitong si Kulot Kamidon Patah alias ‘Kulot’, kapwa 28, residente ng nasabing lugar.

Nakuha sa mag-asawa ang tatlong piraso ng plastic sealed sachet shabu na tumitimbang ng 3 gramo na nagkakahalaga ng P75,000.

Nadakip din ng PDEA ang umanoy supplier ng shabu na si Joey Avilar Jr., 28, sa isang buy bust operation sa Barangay Sto. Rosario, Angeles City, Pampanga.

Nakumpiska sa suspek ang 50 gramo ng shabu na may street value na P200,000 at isang motorcycle.

Nabatid na si Avilar ay kabilang sa listahan ng drug personalities ng PDEA.-