JJ Surplus sud Q’finals

CEBU, Philippines - Nakadaginot pa gyud og daog ang J.J. Surplus paghuman sa elimination round pinaagi sa pagtagak  sa Victorious Eagles, 71-55 ug aron sab moabante sa quarterfinals sa J.J. Surplus Ballclub 7^th Conference basketball tournament niadtong Sabado didto sa GT Academy gym sa Tayud, Lilo-an, Cebu.

Si Jomar Tiwan maoy topscorer sa J.J. Surplus uban sa iyang 17 puntos,  gisundan ni Maquilan nga adunay 16 puntos. Si Larry Oroyan mitampo’g 11 puntos, samtang ang team owner nga si Henrey ‘Triggerman’ Agbon nalimitahan lang ngadto sa otso nga maoy labing ubos niya natala sa kasamtangang liga.

Tulo sab ka players ang miiskor og double figures sa nataktak nga Victorious Eagles, lakip na niini ang team manager nga si Danrex Bayonla nga midagit og 12 puntos.

Sa laing bahin, ang Jammers aduna pa’y purohan nga moabante sa quarterfinals human midaog batok sa Yufo Auto Star, 62-55.

Duha ka players sa Jammers ni Albert Icot ang mitala og double figures, samtang ang Yufo  ni Ramon Estole nga hingpit nang natagak sa liga aduna sa’y duha ka players nga naka-double digits.

Ang mga duwa ubos sa superbisyon ni league commissioner Fury Trazona inabagan sa technical committee niining si Chang Tejero.

Puntos matag usa

Unang duwa:

JJ Surplus (71) – Tiwan 17, Maquilan 16, Oroyan 11, Mangubat 8, H. Agbon 8, J. Agbon 5, Genteroloso 2, Astillero 2, Patiluna 2.

VICTORIOUS Eagles (55) – Cacas 15, Bayonla 12, Belotindos 11, G. Pepito 4, Calipes 4, Silorio 3, Patalot 2, C. Lascuna 2, R. Lascuna 2.

Ikaduhang duwa:

JAMMERS (62) – Burgos 14, Lorca 13, Burgos 7, Cahutay 6, Illustrisimo 6, Icot 4, Warren 4,

Illustrisimo 3, Doble 3, Chavez 2.

YUFO Auto Star (55) – Eyac 20, Herbito 11, Puga 9, Estole 7, Garbo 5, Normandia 2, Pepito 1. (BANAT NEWS)