Mga kaso sa DENR gibasura
CEBU, Philippines - Gibasura sa Office of the Provincial Prosecutor ang upat sa lima ka kaso nga gisang-at sa Department of Environment and Natural Resources batok sa mga commercial fishing vessels nga ilegal nga nanagat sa Tañon Strait Protected Seascape.
Gibutyag ni Steve Vincent Larona, legal assistant sa DENR 7, nga nakaduso na sila sa ilang motion for reconsideration samtang ang usa ka kaso ang gipasaka na sa korte sa Negros Oriental.
Matud ni Larona nga tulo sa upat ka kaso nga gisang-at sa piskaliya sa Sugbo ang nabasura human nasuta nga ang pagkadakop sa 20 ka Thresher sharks dili tinuyo.
Si Larona masaligon sa ilang gipasaka nga motion for reconsideration.
Awhag ni Larona sa tanang commercial fishing vessels nga dili managat sa TSPS tungod kay daghan na sila karon nga andam mosikop ug mopasaka og kaso sa mga malapason. (BANAT NEWS)
- Latest
