Kiddie ride sa mall, sumiklab
MANILA, Philippines - Isang maigsing sunog ang naitala sa isang kiddie ride sa loob ng isang shopping mall na dati nang natupok ng apoy sa lungsod ng Caloocan, kahapon.
Sa inisyal na ulat, dakong ala-1:03 ng hapon nang sumiklab ang apoy sa “car bump ride” sa ikaapat na palapag ng Victory Mall sa may Monumento, ng natu-rang lungsod.
Tumagal lamang ang pagsiklab ng apoy ng may 10 minuto nang agad itong maapula ng mga bumbero at hindi na kumalat pa. Wala namang inisyal na naitalang nasaktan sa insidente na lumikha ng kaguluhan sa mga “mall goers”.
Patuloy ang imbesti-gasyon ng Bureau of Fire Protection (BFP) sa tunay na sanhi ng apoy na inisyal na hinihinalang pag-short circuit sa mga kable ng naturang ride.
Matatandaan na noong Mayo 2015, natupok ang malaking bahagi ng naturang mall sa sunog na tumagal ng halos pitong oras. Ilang buwang isinara ang natu-rang mall nang matuklasan ang iba’t ibang paglabag sa building code ngunit muli rin namang binuksan sa publiko.
- Latest
