Slaughter gi-operahan
CEBU, Philippines - Nagmalampuson ang ikaduhang operasyon ngadto ni Barangay Ginebra star center Greg Slaughter human kini makahiagum og ACL injury sa ikaduhang higayun karong tuiga.
Naalim na unta si Slaughter sa una niyang operasyon apan nausban kini dihang miduwa siya sa hinapos nga bahin sa elimination round sa PBA Governors' Cup.
Ang Ginebra coach nga si Tim Cone nagkanayon nga bisan pa og katabang iyang sinaligang bigman sa nagpadayung finals nila batok sa Meralco Bolts, nagmaya siya tungod sa positibong resulta sa operasyon ug naglaum siya nga daling makarekober ang Cebuano center.
“I’m just glad it’s over. And he’s moving forward and we’re all moving forward, that’s the key,” matud pa ni Cone sa Spin.ph.“It amazes me that when he comes back, he’ll be ready.”
Ang mga coaching staff sa Ginebra gipahibalo na usab nga taas-taas ang agian nga rehabilitasyon ni Slaughter ug posible nga dili kini kaduwa sa sayung bahin sa sunod season ilabi na sa Philippine Cup.
Giandam na hinuon ni Cone iyang koponan nga wala una si Slaughter kinsa iyang gilauman nga makauban na kanila sa Commissioner's Cup. LPM (BANAT NEWS)
- Latest
