Permit sa tricycle tangtangon

CEBU, Philippines - Giduso na ngadto sa Konseho sa Dakbayan sa Mandaue ang tinguha nga hingpit na nga pagwagtang sa mga requirements alang sa renewal sa Motorized Tricycle Operator’s Permit (MTOP) pinaagi sa pag-amendar sa kasamtangan karon nga ordinansa.

Ang tinguha nga pagwagtang na sa mga rekisitos sa business permit sa mga traysikol maoy pagsanong sa hangyo sa mga tricycle operators ngadto kang Mayor Gabriel Luis “Luigi” Quisumbing kinsa nipasabot nga dugang na nga bayad sanglit gawas sa prangkisa, duna pay business permit.

Si Mandaue City Legal Officer Omar Redula sa iyang opinion nipasabot nga ang pagwagtang sa rekisito sa business permit mahingpit lang kini pinaagi sa pag-amendar sa ordinansa sa dakbayan.

Matud ni Redula nga ang sa business permit sa mga  tricycle maisip na nga doble na sanglit nagbaton na man sila og mga prangkisa nga gihatag sa kagamhanan ngadto sa mga operators.

Gireklamo sa pederasyon sa kahugpungan sa mga traysikol drivers ug operators ang dugang lang nga bayranan.

Matud nila nga ang renewal sa prangkisa makonsiderar na nga renewal sa ilang business permit kay managsama man ang katuyoan nga mao ang paghimong legal sa ilang pagpamasahero. - /GMR) (BANAT NEWS)