2 akyat-bahay, arestado

CAVITE, Philippines - Rehas na bakal ang binagsakan ng dalawang kasapi ng Akyat-Bahay Gang na nanloob sa bahay ng trader makaraang masakote ng arresting team ng pulisya sa inilatag na operasyon sa Barangay Toclong sa bayan ng Kawit, Cavite kamakalawa. Nakatakdang kasuhan ang mga suspek na sina Kier Jarvin San Miguel, 21; at Charlon Ronda, 18, kapwa nakatira sa Pinagkaisa Village sa nasabing barangay. Base sa police report na nakarating sa Camp Pantaleon Garcia, ang dalawa ay inireklamo ng biktimang si Ritchell Cantiga ng Estrella Homes Subd. na nanloob at tumangay ng malaking halaga ng ari-arian. Nabatid na dumaan sa kisame ng bahay ng biktima ang mga suspek hanggang sa maisagawa ang pagnanakaw. Nakilala naman ng biktima ang mga suspek kaya naipaabot sa himpilan ng pulisya ang reklamo.
- Latest