Pelicans milig-on

CEBU, Philippines - Kalit nga milig-on ang puwersa sa New Orleans Pelicans human nila mabira si DeMarcus Cousins gikan sa Sacramento Kings.

Ang Pelicans nahimutang karon sa ika-11 nga dapit sa Western Conference sa ilang 23-34 nga baraha, apan daku  og kahigayonan nga   moabante sa playoffs.

Si Cousins moporma karon og “twin tower” sa Pelicans uban ang laing All-Star nga si Anthony Davis nga  bag-ong  gikoronahan isip NBA All-Star MVP niadtong Lunes.

Mipasidaan si Cousins sa uban nga NBA teams nga mangandam tungod kay lisud unya silang pugngan ni Davis. Si Cousins nag-average og 27.8 points ug 10.6 rebounds karon nga season, samtang si Davis adunay  27.7 points, 11.9 rebounds ug 2.5 blocks.

Ang general manager sa Pelicans nga si Dell Demps miingon nga kinahanglan pa og igong suporta ang ilang 'twin tower', apan igo na una kini sa pagka karon tungod kay anaa usab sila’y kanhi All-Star guard nga si Jrue Holiday. (BANAT NEWS)