Harris gikuha sa pistons, Lee gibira sa Hornets

CEBU, Philippines - Mipahigayon og trade  ang  Detroit  ug  ang Charlotte  diin nakuha sa Pistons si Tobias Harris gikan sa Orlando Magic.  Samtang ang Hornets midugang sa ilang line-up kang Courtney Lee gikan sa Memphis Grizzlies aron makatabang sa kampanya sa piangong si Michael Kidd-Gilchrist sa Charlotte. 

Sa wala pa ang trade-deadline kagahapon, ang Pistons ug ang Hornets agresibo kaayo aron magkasinabot sa usa ka trade nga makapugos sab sa laing teams nga mohimo sa ingon sa pagpangita og players.

Dunay rason nganong mapugos ang mga teams paghimo’g trade tungod sa pagdominar sa Golden State Warriors, kinsa gituohan gihapon nga maoy modaog sa NBA title karon nga season. 

Human sa All-Star break, adunay mga hisgot-hisgot nga labing menos tulo lang ka teams ang dunay kapasidad nga mopilde sa Warriors ug kini mao ang San Antonio Spurs, Cleveland Cavaliers  ug ang Oklahoma City Thunder tungod kay duna sila’y mga players nga makasugakod batok sa Warriors. Mao nga ang ubang teams nagtuo nga ang pag-trade og players maoy sulbad niini.  Ang  free agency mao  sab ang dakung hinungdan nga makapugos sa ubang teams sa paghimo’g trade tungod kay daghan kanila ang mahimong free agent karong Hulyo.  Tungod sa kataas sa salary cap, kadaghanan sa mga teams ang dunay igong kapasidad nga modugang og usa ka mahalon nga player ngadto sa usa ka maximum contract karong summer. Makahimo kini’g inilogay sa mga maayo ug dekalibreng players sama nilang Oklahoma City star Kevin Durant, Detroit center Andre Drummond ug Toronto guard DeMar DeRozan. Pipila sa mga posible sab i-trade mao silang Al Horford ug Jeff Teague sa Atlanta Hawks. (BANAT PALARO)